12th Class Urdu Chapter 2 Tashkeel e Pakistan Short Questions Answer

جواب:سید احمد بریلوی مسلمانوں کی مذہبی و معاشرتی خرابیاں دُور کرنا چاہتے تھے۔ انہوں نے جہاد کی مہم بھی شروع کی جس کا مقصد مذہبی آزادی حاصل کرنا تھا۔

جواب: سید احمد بریلوی کو پشاور کے قریب میدان جنگ میں فتح ملی جس کے بعد انہوں نے اسلامی نظام حکومت قائم کیا اور قبائل کی معاشرتی اصلاح کے احکامات نافذ کیے لیکن بعض سرداروں کی غداری کے نتیجے میں وہ سکھوں کے ہاتھوں شہید ہو گئے۔

جواب: سر سید نے رسالہ اسباب بغاوت ہند اور اپنی دیگر تحریروں کے ذریعے انگریز حکمرانوں میں مسلمانوں کے متعلق پائی جانے والی غلط فہمیوں کو دور کرنے کی کوشش کی۔ رسالہ تہذیب الاخلاق کے ذریعے مسلمانوں کی سماجی اور سیاسی تربیت کی۔ علی گڑھ کا لج قائم کیا اور محمڈن ایجوکیشنل کانفرنس کی بنیاد رکھی۔ کونسل کے ممبر کے طور پر مسلمانوں کے مفادات کا تحفظ کیا۔

جواب: محسن الملک نے علی گڑھ کالج کو ترقی دی۔ وقارالملک ایک سیاسی جماعت (آل انڈیا مسلم لیگ) کی تشکیل میں معاون ہوئے حالی کی شاعری اور شبلی نعمانی کی نثر نگاری نے مسلمانوں کو خوابِ غفلت سے جگایا۔امیر علی کی انگریزی تصانیف نے مغربی حلقوں کو اسلام کی حقیقی تعلیمات سے متعارف کروایا۔

جواب: علا مہ اقبال کی تعلیمات کانچوڑان کا فلسفہ خودی ہے۔ اقبال کا خیال ہے کہ انسان اطاعت الٰہی، ضبط نفس اور نیابت الٰہی کی تین منزلیں طے کرتا ہوا خودی کی انتہائی بلندی پر پہنچ سکتا ہے۔

جواب: 1937ء کے انتخابات کے بعد آٹھ صوبوں میں حکومت ملنے پر کانگریس مسلمانوں کا قومی وجود ختم کرنے کے درپے ہوگئی تھی۔ مسلمانوں کے لیے خطرناک حالات میں قائداعظم نے قوم کی قیادت سنبھالی اور انگریز حکمرانوں اور کانگریسی لیڈروں کی سازشیں ناکام بنا دیں۔

جواب: قیام پاکستان کا اہم مقصد اسلامی جمہوریت کے اصولوں پر حکومت قائم کر نا تھا، جس میں مسلمانوں اور غیر مسلموں کو مساوی حقوق حاصل ہوں غریبوں، کارکنوں اور خواتین کے حقوق کا خیال رکھا جائے۔ دولت مناسب طور پر عوام میں تقسیم اور بیت المال میں جمع ہو۔

جواب: پاکستان کے مسلمانوں کا نصب العین اسلام ہے۔ مطلق العنان بادشاہوں اور امرا کے طرز زندگی کے بجائے پیغمبر اسلام ﷺ اور خلفائے راشدین کے عہد کے مسلمانوں کی زندگیاں ہی اسلام کا نمونہ ہیں۔

جواب: سر سید نے اپنی مذہبی تصانیف اور رسالہ تہذیب الاخلاق کے اجرا سے ثابت کر دکھایا کہ اسلام عقل کے اصولوں پر مبنی ہے۔

جواب:1886ء میں سر سید نے آل انڈیا محمڈن ایجوکیشنل کانفرنس کی بنیاد ڈالی جس کے اجلاس ہر سال مختلف مقامات پر منعقد ہو کر مسلمانوں میں نئی رُوح پھونکنے کا باعث ہوئے۔

جواب: سر سید احمد خان کی دُوراندیشی نے دیکھ لیا تھا کہ کانگریس میں شمولیت سے مسلمانوں کو بحیثیت قوم نقصان پہنچے گا۔

جواب:انہوں نے اسباب بغاوت ہند لکھ کر انگریز حکومت کو بتایا کہ غدر کا سب سے بڑا سبب یہ تھا کہ ہندوستانیوں کو ملک کی سیاسی کونسلوں میں شامل نہیں کیا گیا تھا۔

جواب: سبق میں محسن الملک، وقارالملک، الطاف حسین حالی، ذکاء اللہ، نذیراحمد، شبلی نعمانی اور امیر علی کا ذِکرآیا ہے۔

جواب:سر سید احمد خان کے جدید علم الکلا م کے ردِعمل میں شبلی نعمانی نے لکھنو میں ندوۃ العلما قائم کیا۔ دیو بند میں علما نے قدیم طرز کی درس گاہ بنا کر قدیم اسلامی علوم کے چراغ روشن کیے۔

جواب: علامہ اقبال نے توحید، رسول کریم ﷺ سے محبت، قرآن مجید کا مطالعہ اور اس کی تعلیمات کی پیروی اور رجائیت یعنی مایوسی کو ترک کرنے پر زور دیا۔