Womens Education Essay: Cadet College Test

Women’s education is very important for the progress of any country. An educated woman can take care of her family and help in the development of society. In today’s world, girls should be given equal chances to study. Educating women means educating the whole nation.

تعلیم نسواں

اللہ تعالیٰ نے مرد و عورت دونوں کو یکساں عزت و مقام دیا ہے۔ دینِ اسلام میں عورت کو بلند مقام حاصل ہے۔ عورت ماں، بیٹی، بہن اور بیوی کے روپ میں معاشرے کی بنیاد ہے۔ ایک پڑھی لکھی عورت پورے خاندان کو سنوار سکتی ہے۔ اس لیے عورت کی تعلیم نہایت ضروری ہے۔

تعلیم عورت کا حق بھی ہے اور فرض بھی۔
تعلیم انسان کو شعور، فہم، اچھائی برائی کا فرق اور آگے بڑھنے کا حوصلہ دیتی ہے۔ اگر عورت تعلیم یافتہ ہوگی تو وہ اپنے بچوں کی بہتر تربیت کرے گی اور معاشرے کو بہتر انسان دے گی۔

“قوموں کی ماؤں کو پڑھاؤ، قومیں خود سنور جائیں گی”

بدقسمتی سے کچھ لوگ یہ سمجھتے ہیں کہ لڑکیوں کو پڑھانے کی ضرورت نہیں، حالانکہ یہی سوچ معاشرے کو اندھیروں میں دھکیل دیتی ہے۔ ایک ماں اگر تعلیم یافتہ نہ ہو تو وہ اپنے بچوں کی صحیح تربیت نہیں کر سکتی۔ بچپن کی پہلی درسگاہ ماں کی گود ہے، اور اگر وہ خود تعلیم سے محروم ہو تو بچے بھی پیچھے رہ جائیں گے۔

:قرآن و حدیث میں بھی علم حاصل کرنے کی تاکید کی گئی ہے۔ نبی کریم ﷺ نے فرمایا
“علم حاصل کرنا ہر مسلمان مرد و عورت پر فرض ہے”

اسلام نے عورت کو عزت دی، پردے کے ساتھ تعلیم حاصل کرنے کی اجازت دی۔ آج کی دنیا میں عورت ڈاکٹر، ٹیچر، انجینئر اور مختلف میدانوں میں نمایاں کارنامے سرانجام دے رہی ہے۔ وہ اپنے گھر کے ساتھ ساتھ ملک و قوم کی ترقی میں بھی کردار ادا کر رہی ہے۔

“بیٹی اگر پڑھ جائے، گھر سنور جائے
ماں اگر تعلیم یافتہ ہو، نسل سنور جائے”

تعلیم یافتہ عورت بہتر بیوی، اچھی ماں اور سمجھ دار بیٹی بنتی ہے۔ وہ اپنے حقوق اور دوسروں کے فرائض کو بہتر سمجھتی ہے۔ اگر عورت تعلیم یافتہ ہو تو وہ جہیز، ظلم، جاہلیت اور دیگر برائیوں کا مقابلہ کر سکتی ہے۔

لہٰذا ہمیں چاہیے کہ ہم لڑکیوں کی تعلیم پر خاص توجہ دیں۔ انہیں سکول، کالج، یونیورسٹی کی سہولت دیں تاکہ وہ بھی ملک و ملت کی خدمت کر سکیں۔

:آخری پیغام
عورت معاشرے کی بنیاد ہے، اگر وہ تعلیم یافتہ ہوگی تو پورا معاشرہ روشن ہوگا۔
“علم عورت کا زیور ہے، یہ زیور اسے ضرور پہناؤ”