Unity Is A Blessing Story: Cadet College Test

Unity means staying together and helping one another. When people are united, they become strong and successful. This story shows how working together brings strength and peace. It teaches us that unity is a true blessing in life.

اتفاق میں برکت ہے

ایک دن ایک شکاری جنگل میں جال لے کر گیا۔ وہ جنگلی کبوتروں کا شکار کرنا چاہتا تھا۔ اس نے جال بچھایا اور اُس میں دانہ ڈال دیا۔ کچھ دیر بعد بہت سے کبوتر وہاں دانہ کھانے کے لیے آ گئے۔ جیسے ہی وہ دانہ کھانے لگے، شکاری نے فوراً جال کھینچ لیا اور سب کبوتر جال میں پھنس گئے۔

:کبوتروں میں ایک بڑا سمجھدار اور عقل مند کبوتر بھی تھا۔ اُس نے فوراً سب کو کہا

“اگر ہم الگ الگ نکلنے کی کوشش کریں گے، تو کبھی کامیاب نہیں ہوں گے۔ لیکن اگر سب مل کر جال کو ایک ساتھ اُڑائیں، تو ہم آزاد ہو سکتے ہیں۔”

سب کبوتروں نے اُس کی بات مانی اور ایک ساتھ اپنے پر زور سے مارے۔ جال اُن کے ساتھ اُڑنے لگا۔ شکاری حیران رہ گیا اور ان کا پیچھا کرنے لگا، مگر کبوتر جال سمیت اُڑتے ہوئے دور نکل گئے۔

:کچھ دیر بعد وہ ایک چوہے کے بل کے پاس پہنچے۔ وہ چوہا ان کا دوست تھا۔ کبوتروں نے کہا

“دوست! ہمیں آزاد کرو۔”

چوہے نے فوراً جال کے دھاگے کاٹنے شروع کر دیے اور تھوڑی دیر میں سب کبوتر آزاد ہو گئے۔

:کبوتروں نے چوہے کا شکریہ ادا کیا اور کہا
“اگر ہم سب نے مل کر ایک ساتھ پر نہ مارے ہوتے، تو آج ہم شکاری کے ہاتھ لگ جاتے۔”

:سبق

اتحاد میں بڑی طاقت ہے۔ اگر سب مل کر کام کریں تو بڑی سے بڑی مصیبت سے بچا جا سکتا ہے۔
اتفاق میں برکت ہے۔