Truth Is A Blessing Story: Cadet College Test

Truth is one of the greatest blessings in life. A person who always speaks the truth is loved and respected by everyone. Truth builds trust, brings peace of mind, and leads to success. In the story of the woodcutter, his honesty was rewarded with gold and silver axes along with his own. This shows that truth may be tested, but it always brings good results. We should always be honest in our words and actions because truth is a blessing that never fails.

سچ میں برکت ہے

یہ ایک سچا واقعہ ہے۔

حضرت شیخ عبدالقادر جیلانیؒ جب طالب علم تھے تو علم حاصل کرنے کے لیے ایک قافلے کے ساتھ بغداد جا رہے تھے۔ رخصت ہوتے وقت ان کی والدہ نے ان کی پگڑی میں 40 دینار سی کر رکھے اور نصیحت کی
“بیٹا! کبھی جھوٹ نہ بولنا، چاہے کتنی ہی مشکل کیوں نہ آئے۔”

راستے میں ڈاکوؤں نے قافلے پر حملہ کیا۔ وہ سب کے مال و دولت لوٹنے لگے۔ جب ڈاکو حضرت عبدالقادرؒ کے پاس پہنچے تو انہوں نے پوچھا
“تمہارے پاس کچھ ہے؟”

:حضرت عبدالقادرؒ نے فوراً کہا
“ہاں، میری پگڑی میں چالیس دینار ہیں۔”

ڈاکو حیران ہو گئے! ایک بچے نے سچ بول دیا؟ انہوں نے ان کے دینار لے کر اپنے سردار کے پاس پہنچا دیے اور سارا واقعہ بتایا۔

:سردار نے حضرت عبدالقادرؒ سے پوچھا
“تم نے ہمیں کیوں سچ بتایا؟ اگر تم چھپاتے تو ہمیں کبھی پتہ نہ چلتا۔”

:حضرت عبدالقادرؒ نے نہایت سادہ انداز میں کہا
“میں نے اپنی ماں سے وعدہ کیا تھا کہ جھوٹ نہیں بولوں گا۔ ماں کا وعدہ نبھانا میرے لیے سب کچھ ہے۔”

:ڈاکو کا سردار یہ سن کر بہت متاثر ہوا۔ اُس نے کہا
“ایسا سچا بچہ ہم نے کبھی نہیں دیکھا۔ تم نے ہمیں آج سچائی کا سبق دیا ہے۔”

پھر اُس نے نہ صرف حضرت عبدالقادرؒ کا مال واپس کیا بلکہ توبہ بھی کر لی۔ پورا گروہ نیک بن گیا۔

:سبق

سچائی میں عظیم طاقت اور برکت ہے۔
سچ بولنے والا انسان ہر آزمائش میں کامیاب ہوتا ہے۔ جھوٹ وقتی بچاؤ دے سکتا ہے، مگر ہمیشہ رسوا کرتا ہے۔