Punctuality Essay: Cadet College Test

Punctuality means being on time in everything we do. A punctual person is respected and trusted by everyone. It helps us become disciplined and successful in life. Students must always be punctual in school and studies to build a bright future.

پابندیٔ وقت

پابندیٔ وقت کا مطلب ہے ہر کام کو اس کے مقرر وقت پر انجام دینا۔ جو قومیں وقت کی قدر کرتی ہیں وہ ہمیشہ ترقی کرتی ہیں، اور جو قومیں وقت کو ضائع کرتی ہیں وہ پیچھے رہ جاتی ہیں۔ وقت ایک قیمتی خزانہ ہے جو ایک بار چلا جائے تو واپس نہیں آتا۔ اسی لیے ہمیں وقت کی قدر کرنی چاہیے اور اپنی زندگی کے ہر لمحے کو قیمتی بنانا چاہیے۔

:اللہ تعالیٰ نے انسان کو وقت کی صورت میں ایک انمول نعمت عطا کی ہے۔ قرآنِ پاک میں بھی اللہ نے وقت کی قسم کھائی ہے

“والعصر، ان الانسان لفی خسر”

اس کا مطلب ہے کہ وقت کی قسم! بے شک انسان نقصان میں ہے۔ یہ آیت ہمیں وقت کی اہمیت بتاتی ہے۔ اگر ہم وقت کی قدر نہ کریں گے تو ہم نقصان میں رہیں گے۔

:ہمارے پیارے نبی حضرت محمد ﷺ نے بھی فرمایا

“جس نے آج کا کام کل پر چھوڑا، وہ تباہ ہوا۔”

یہ حدیث ہمیں سکھاتی ہے کہ وقت پر کام کرنا کتنی بڑی خوبی ہے۔

پابندی وقت سے انسان کی زندگی میں نظم و ضبط آتا ہے۔ طالب علم اگر وقت پر اسکول جائے، وقت پر پڑھائی کرے اور وقت پر آرام کرے، تو وہ ایک کامیاب طالب علم بن سکتا ہے۔ اسی طرح ایک ڈاکٹر، انجینئر، مزدور یا کوئی بھی فرد اگر وقت کی پابندی کرے تو وہ اپنے شعبے میں کامیابی حاصل کرسکتا ہے۔

“وقت کرتا ہے پرورش برسوں
حادثہ ایک دم نہیں ہوتا”

یہ شعر ہمیں سکھاتا ہے کہ وقت کے ساتھ کی گئی محنت ہی کامیابی کا باعث بنتی ہے۔

اسلام میں بھی وقت کو بہت اہمیت دی گئی ہے۔ نماز، روزہ، حج اور زکوة سب کے لیے وقت مقرر کیا گیا ہے۔ اگر ہم ان عبادات کو وقت پر ادا کریں تو اللہ کی رضا حاصل ہوتی ہے۔

اگر ہم سب وقت کی پابندی کرنے لگیں تو ہماری زندگی میں نظم و ضبط، ترقی اور خوشحالی آئے گی۔ ہم اچھے شہری بنیں گے اور ہمارا ملک بھی ترقی کرے گا۔

“وقت کی قدر کرو دوستو
یہ وہ دولت ہے جو لوٹ کر نہیں آتی”

آخر میں یہی کہنا چاہوں گا کہ وقت اللہ تعالیٰ کی سب سے بڑی نعمت ہے۔ ہمیں اسے ضائع نہیں کرنا چاہیے بلکہ اس کی قدر کرتے ہوئے ہر کام کو وقت پر انجام دینا چاہیے۔