Allama Iqbal Essay: Cadet College Test

Allama Iqbal was a great poet, philosopher, and thinker of Pakistan. He is known as the “Poet of the East” and the dreamer of Pakistan. His poetry inspired Muslims to unite and work for freedom. He gave the idea of a separate homeland, which later became Pakistan.

علامہ اقبال

علامہ محمد اقبال برصغیر کے عظیم شاعر، مفکر اور رہنما تھے۔ آپ نے مسلمانوں میں بیداری کی نئی روح پھونکی اور انہیں خوابِ غفلت سے جگایا۔ آپ کا پیغام خودی، حوصلہ، ایمان اور عمل کا پیغام تھا۔

علامہ اقبال 9 نومبر 1877 کو سیالکوٹ میں پیدا ہوئے۔ آپ کے والد کا نام شیخ نور محمد تھا، جو ایک دیندار اور عبادت گزار انسان تھے۔ علامہ اقبال نے ابتدائی تعلیم سیالکوٹ سے حاصل کی۔ بعد میں لاہور، یورپ اور جرمنی سے اعلیٰ تعلیم حاصل کی۔ آپ نے فلسفہ، قانون اور ادب میں مہارت حاصل کی۔

اقبال نے شاعری کے ذریعے مسلمانوں کو جگانے کی کوشش کی۔ ان کی شاعری کا مقصد صرف تفریح نہیں تھا بلکہ ایک پیغام تھا۔ انہوں نے نوجوانوں کو بلند حوصلہ اور ایمان کی طاقت سے کامیاب زندگی گزارنے کی تلقین کی۔

:ان کا مشہور شعر ہے

خودی کو کر بلند اتنا کہ ہر تقدیر سے پہلے
خدا بندے سے خود پوچھے، بتا تیری رضا کیا ہے

علامہ اقبال نے مسلمانوں کو بتایا کہ اگر وہ خود کو پہچانیں اور اپنے اندر چھپی ہوئی طاقتوں کو پہچانیں تو وہ دنیا میں کچھ بھی کر سکتے ہیں۔ آپ نے نوجوانوں کو شاہین سے تشبیہ دی جو بلندیوں پر اڑتا ہے اور پستی میں نہیں رہتا۔

ستاروں سے آگے جہاں اور بھی ہیں
ابھی عشق کے امتحان اور بھی ہیں

اقبال کے خواب کی تعبیر پاکستان کی صورت میں پوری ہوئی۔ آپ نے 1930 میں الہ آباد کے خطبے میں پاکستان کا تصور پیش کیا۔ 21 اپریل 1938 کو آپ وفات پا گئے، لیکن آپ کا پیغام آج بھی زندہ ہے۔

علامہ اقبال ہمارے قومی ہیرو ہیں۔ ہمیں چاہیے کہ ان کی تعلیمات پر عمل کریں، محنت کریں، اور پاکستان کو ترقی یافتہ ملک بنائیں۔