A Visit To A Historical Place Essay : Cadet College Test

Last month, I visited a famous historical place with my family. We went to the Badshahi Mosque in Lahore, which is known for its beautiful Mughal architecture. The big domes, tall minarets, and red stone walls amazed me. It was a fun and learning experience to see our rich history with my own eyes.

ایک تاریخی مقام کی سیر

سیر و سیاحت نہ صرف تفریح کا ذریعہ ہے بلکہ یہ علم و معلومات بڑھانے کا بہترین ذریعہ بھی ہے۔ ہمارے ملک پاکستان میں کئی ایسے تاریخی مقامات موجود ہیں جو ہمیں ماضی کی یاد دلاتے ہیں اور ہمارے آباؤ اجداد کی عظمت کو ظاہر کرتے ہیں۔

گزشتہ اتوار کو ہمارے اسکول کے اساتذہ نے ہمیں لاہور کے شاہی قلعہ کی سیر پر لے جانے کا پروگرام بنایا۔ ہم سب طالب علم بہت خوش تھے۔ ہم صبح سویرے اسکول میں جمع ہوئے اور بس کے ذریعے لاہور روانہ ہوئے۔ سفر کے دوران ہم نے نعتیں، ملی نغمے اور نظمیں سنائیں۔ تقریباً دو گھنٹے کے سفر کے بعد ہم شاہی قلعہ پہنچے۔

شاہی قلعہ لاہور کا ایک عظیم تاریخی مقام ہے۔ یہ مغل بادشاہوں کے دور میں تعمیر ہوا۔ قلعے کی دیواریں بہت اونچی اور مضبوط ہیں۔ دروازے پر خوبصورت نقش و نگار بنے ہوئے ہیں۔ اندر داخل ہوتے ہی ہمیں ماضی کے عظیم دور کی جھلک دکھائی دی۔

ہم نے قلعے کے اندر کئی حصے دیکھے:
دیوانِ خاص، دیوانِ عام، شیش محل اور بارود خانہ۔ سب جگہیں اپنی مثال آپ تھیں۔ شیش محل کی دیواروں پر لگا ہوا رنگین شیشہ سورج کی روشنی سے چمک رہا تھا اور بہت دلکش منظر پیش کر رہا تھا۔

“تاریخ کی خوشبو بسی ہے ان دیواروں میں
ماضی کی عظمت چھپی ہے ان اشعاروں میں”

ہمیں ہمارے اُستاد نے شاہی قلعہ کی تاریخ سے متعلق دلچسپ معلومات دیں۔ ہمیں معلوم ہوا کہ یہ قلعہ کئی صدیوں پرانا ہے اور مختلف بادشاہوں نے اس کی مرمت اور تزئین و آرائش کروائی ہے۔ ہم نے تصاویر بھی بنائیں اور نوٹس بھی لیے۔

شاہی قلعہ کے ساتھ واقع بادشاہی مسجد بھی دیکھی۔ وہاں نماز پڑھی اور مسجد کے وسیع صحن اور مینار دیکھے۔ وہاں کا روحانی ماحول دل کو بہت بھایا۔

:نتیجہ
تاریخی مقامات کی سیر ہمیں نہ صرف ماضی سے جوڑتی ہے بلکہ ہمیں اپنے ورثے پر فخر کا احساس بھی دلاتی ہے۔ ہمیں چاہیے کہ ہم ان مقامات کی حفاظت کریں، صفائی رکھیں اور دوسرے لوگوں کو بھی ان کی اہمیت سے آگاہ کریں۔